Le Inosensius Sutam
Beti nai, nggopé-nggapét, lo’i la’it hitus ndékok mésé de manusia. Oné bacang te can, leso ho’o, sala agu ndékok situ paéngs lisét adak Yahudi. Isé beti naid, ai hi Stefanus randang gawas oné mai Mori Ngaran. Koném pandé kéot kéco mosén lisé, kudut na’a wa nawan, hi Stefanus lélo kin Mori agu Ngaran ata téing gawas kudut langkas haéng ntala.
Morin téing mosé nai latang te weki, wakar, agu nai de manusia. Kamping hi Stefanus Hia poli pandé halas gawas oné nawan. Mori Yesus pandé do roti latang te mosé weki. Maik do ata kawé Hia kudut nanang hang roti latang te weki. Randang Ngaran kudut pati hang oné wakar agu oné nai. Landing hitu ité paka gori toé-toén latang te hang kudut pepil weki. Landing hitu gori toé latang te hang de bara kanang hitut ngancéng mora agu meres. Maik latang te hang ata pandé langkas wakar agu mosé nai ata dengkir tain.
Néka rantang isét pandé mata weki, néka rantang kamping isét ata ngancéng téing hang latang te bara agu weki kanang. Rantang agu naring ga latang te Hia hitut pandé téing hang latang te gawas kudut langkas nawa agu wakar.